Category Archives: News & Events

“CHARISMARIC BIBLE CONVENTION” November 15 to 18, 2012 in Anand.

Please make a note in your calendar and make all necessary attempts to participate in the four day “CHARISMARIC BIBLE CONVENTION” to be held at Gamdi-Anand parish from 15th November to 18th November. As you are aware that lot of efforts, preparations and funds are needed to make a successful event. So please open your heart and open your pockets too and send your donation to cover the cost of this event to:

 

Catholic Church Anand, Catholic Church, Gamdi-Anand 388001 GujaratIndia.

 

Please find below the announcement and an appeal from the organizers and please visit again for additional announcement of this event.  

 

“We, the people of Gamdi Parish are glad to announce that there is a four day “CHARISMATIC BIBLE CONVENSION” which will be held at Gamdi-Anand Parish from the 15th of November to the 18th of November 2012. (Both days inclusive) The time will be from 9 am to 5 pm. We expect about 6,000 congregation everyday. Fr. Anil Dev and his team from VARANASI will be the preachers. The Gamdi-Anand Parish has been given the responsibility to be the host as there is a bigger congregation at Gamdi Parish. Bishop Thomas Macwan also wishes that the Convention is held this year this year is declared by the Holy See as the YEAR OF FAITH.
This means that we will also incur a lot of expenditure. We need financial support not only from the local Parish but from Christians from all around. Many people have already come forward to help us but it is drop by drop only can become an ocean. Those who want to help for this good cause can send their cheques in favour of CATHOLIC CHURCH ANAND. Address: Catholic Church, Gamdi Anand 388 001. Gujarat.India.”
Thank you for your support & cooperation.
Fr. Albert SJ
Parish Priest
and
Fr. Maxim Crasta Sj
Gamdi Anand

શિક્ષક અને શિક્ષા એક શિશુ માંથી સંપૂર્ણ સજ્જન/સન્નારી સર્જે છે.

શિક્ષક અને શિક્ષા એક શિશુ માંથી સંપૂર્ણ સજ્જન/સન્નારી સર્જે છે. આજે શિક્ષક-દિન નિમિત્તે દુનિયાભર ના દરેક શિક્ષક ને વંદન અને વિનંતી કે દરેક પોતાનો શિક્ષક-ધર્મ ઈમાનદારી થી અદા કરે.

સપ્ટેમ્બર ૦૫, ૨૦૧૨ 

નોકરીએ તેમને વર્ષો પહેલાં જ નિવૃત્ત કરી દીધાં પરંતુ તેઓ થોડા અટકવાના હતા. બમણા જોશથી, સવારથી રાત સુધી માત્ર એક જ વાત, ભણાવવું. ચહેરા પર કરચલીઓ, દ્રષ્ટિમાં ઝાંખપ, હાથ કાંપતા હોવા છતાં ભણાવવાનું ઝુનૂન તેમનામાં સતત વધતું જ જાય છે. દરરોજ તાજગીભર્યો ચહેરો, અવાજમાં એક સખતાઈ, સમયની એવી જ પાબંદી. શરીરમાં ઊર્જા પણ એવી કે ૨૦-૨૫ વર્ષનો યુવાન તેમની સામે ઝાંખો પડી જાય…
 
૮૬ વર્ષની વયે ઉકેલી રહ્યા છે ન્યુમેરિકલ્સ
 
– નામ: ફાધર સી ડિબ્રાવર
-વિષય: ફિઝિકસ
-ઉંમર: ૮૬ વર્ષ
 
– વિશેષતા:ફેસબુક અને ઓરકુટ પર ડિબ્રાવર ફેન્સ ક્લબ બનાવી છે. તેમના ફોલોઅર્સની મોટી સંખ્યા જ દર્શાવે છે કે તેઓ કેટલા લોકપ્રિય છે.
 
– અડધી સદી લાઈબ્રેરીમાં
 
રાંચી. સેન્ટ ઝેવિયર્સ કોલેજ રાંચીના પ્રોફેસર ફાધર સી.ડિબ્રાવરનો જન્મ ફ્રાન્સમાં થયો હતો. બાળપણ બેલ્જિયમમાં વિત્યું. બાળપણથી પરિવારમાં પ્રોફેશનલ્સ વધારે હતા પરંતુ પોતે નામ-ખ્યાતિથી દૂર રહ્યા. ૧૯૪૫માં ભારત આવ્યા. તિરુચિરાપલ્લી અને પુણેમાં અભ્યાસ બાદ ૧૯૫૭માં રાંચીમાં ફિઝિકસના શિક્ષણ તરીકે જોડાયા. ૧૯૮૪માં નિવૃત્ત થવા છતાં સેન્ટ ઝેવિયર્સ કોલેજમાં ભણાવે છે. આજે પણ વોકેશનલ સ્ટ્રીમનમા હેડ તરીકે કામ કરે છે. ૫૦ વર્ષ સુધી તેઓ કોલેજના લાઈબ્રેરિયન પણ રહ્યા હતા.
 
– અત્યારે અટકવું નથી
 
ફાધર જણાવે છે કે શરીર સાથ આપશે ત્યાં સુધી શિક્ષણના માધ્યમથી ઈશ્વરની આરાધના કરતો રહ્યો છું. જ્યારે બાળકોને કોયડા ઉકેલું છું ત્યારે ઘણો સંતોષ મળે છે.
 
સિદ્ધિ:ફાધર ડિબ્રાવર ઉંમરના આ પડાવમાં કોઈ વ્યક્તિ નહીં પરંતુ સંસ્થા બની ગયા છે. પ્રતિષ્ઠિત સેન્ટ ઝેવિયર્સ કોલેજ અને મેનેજમેન્ટ ઈન્સ્ટિટ્યૂટ એક્સ આઈએએસની ગવર્નિંગ બોડીના સભ્ય હોવા ઉપરાંત શહેરની મોટી સંસ્થાઓમાં તેમને માનદ પદ પણ મળ્યું છે. આર્થિક રીતે નબળા વિદ્યાર્થીઓનો અભ્યાસ ન અટકે તે માટે તેમણે એક વિશેષ ભંડોળ ઊભું કર્યું છે. તેની મદદથી સેંકડો વિદ્યાર્થીઓ ડોક્ટર, એન્જિનિયર બની ચૂક્યા છે. – રિપોટિંગ : અમરકાંત, ફોટો : સૈયદ રમીઝ
 
– પ્રશ્ન કરો : તેઓ વિદ્યાર્થીઓને પ્રશ્ન કરવા માટે પ્રોત્સાહિત કરે છે અને તેમને સંતોષ થાય ત્યાં સુધી શીખવે છે. આથી જ વિદ્યાર્થીઓમાં ખૂબ લોકપ્રિય છે.

 

 અંગુલિનિર્દેશ: ફાધર વિલિયમ.
This page printed from: http://www.divyabhaskar.co.in/article/NAT-teachers-day-sepcial-old-teacher-sperit-for-teac-3740368.html

Fr. Valles unveiling his latest book, Gandhi: An alternative to Violence in Philadelphia – August 27, 2012

The latest book of Father Valles, Gandhi: The alternative to violence is unveiled August 27, 2012. From left Dr. Meeta Peer, Mr. Dvendra Peer, Ms. Neeta Desai, Fr. Valles & Mr. Ram Gadhavi.

 

હું નાનો હતો ત્યારથી જોતો કે ગુજરાતી વર્તમાનપત્ર “ગુજરાત સમાચાર” અમારે ઘરે આવતું અને મારા પપ્પાને તન્મયતાથી વાંચતા જોઈને મને પણ થતું કે ચાલો જોવા તો દે અને એમ કરતાં કરતાં આદત પડી ગઈ. એ “ગુજરાત સમાચાર” ની રવિવારની પૂર્તિમાં ફાધર વાલેસની ‘નવી પેઢીને’ નામની કોલમ આવતી એ અચૂક વાંચતો. હું જ્યારે સ્કૂલમાં હતો ત્યારે ગુજરાતી વિષયની ચોપડીમાં પણ ફાધર વાલેસનો એકાદ લેખ કે નિબંધ હોય જ. ફાધર વાલેસની વિચારશૈલિ થી હું પ્રભાવિત હતો. જાતે કેથોલિક (દેશી ખ્રિસ્તી) અને ૨૯ વરસ ગુજરાતમાં રહેવા છતાં ફાધર વાલેસને મળવાનો ક્યારેય મોકો મળ્યો ન હતો.
 
હું ઘણાં વરસોથી “ગુજરાતી લિટરરી અકેડમી ઓફ નોર્થ અમેરિકા” નો સભ્ય છું તો ઓગસ્ટની ૧૯ તારીખે એક નિમંત્રણ મળ્યું કે ફાધર વાલેસના નવોદિત પુસ્તકનું વિમોચન ફિલાડેલ્ફીયામાં ઓગસ્ટની ૨૭ તારીખે, સોમવારે સાંજના ૬ કલાકે રાખવામાં આવ્યું છે. પુસ્તકનું નામ “Gandhi: The alternative to violence.”. ડૉ. મીતા અને દેવેન્દ્ર  પીર ના નિવાસસ્થાને આ કાર્યક્રમનું આયોજન હતુ,  જે મારા ઘરથી લગભગ ૬૫-૭૦ માઈલના અંતરે અને સોમવારનો દિવસ છતાં વિચાર્યું કે બસ જવું જ છે અને ફાધર વાલેસને સાંભળવા છે અને એમને મળવું છે. હું મારા પપ્પા શ્રી. જોસેફભાઈ પરમાર, મારો અનુજ ભાઈ કેતન ક્રિશ્ચિયન અને મારો ભાણિયો રાજ મેકવાન સાંજે ૪:૩૦ કલાકે નિકળ્યા. સાંજનો ભારે અવરજવરનો સમય હતો અને રસ્તામાં વરસાદનું એક જોરદાર ઝાપટું આવી ગયું છતાં ૬:૨૫ કલાકે અમે પહોંચી ગયા. પહોંચીને જાણ્યું કે હજુ કાર્યક્રમ શરૂ નથી તો રાહત થઈ. બેઠક વ્યવસ્થા ઉપરાંત પ્રેક્ષકો હતા તો પાછાળ ઉભા રહી ગયા. બરાબર ૭:૦૫ કલાકે ફાધર વાલેસનું આગમન થયું.
 
યજમાન શ્રી દેવેન્દ્રભાઈએ બધાનું સ્વાગત કરી કાર્યક્રમની શરૂઆત કરી. સેન્ટ ઝેવિયર્સના ભૂતપૂર્વ વિદ્યાર્થીનિ શ્રી. કલ્પનાબેન દેસાઈએ ફાધર વાલેસનો પરિચય આપ્યો. તો ગુજરાતી લિટરરી અકેડેમીના પ્રમુખશ્રી. રામભાઈ ગઢવી પણ પોતાની આગવી અદા અને કાઠયાવાડી ઠાઠથી કવિ કાગનો દોહો ગાઈને ફાધર સાથેનો એક રસદાયક કિસ્સો યાદ કરાવ્યો. શ્રી. મનુભાઈ પંચોળી સાથે ફાધર એમને મળેલા ત્યારે ફાધરે એમને પૂછ્યું કે તમારા બાળકો ગુજરાતી જાણે છે તો શ્રી. રામભાઈએ કહ્યું ના તો ફાધરે સૂચના કરી કે તમારા બાળકોને ગુજરાતી જરૂરથી શીખવાડવું જોઈએ. તો શ્રી. રામભાઈએ સામે દલીલ કરી કે તમે સ્પેનિશ હોવા છતાં ઇન્ડિયા આવી ગુજરાતી શીખીને પુસ્તકો લખીને પ્રખ્યાતિ પામ્યા છો એમ અમારા બાળકો પણ અમેરિકામાં અંગ્રેજી શીખીને પ્રખ્યાત થાય. ત્યાર બાદ ‘વિદેશિની’ શ્રી. પન્નાબેન નાયકે ‘કુમાર’ સામયિકના તંત્રીશ્રી. ધીરુભાઈ પરીખની બહુમુખી પ્રતિભાનું ટુંકમાં વર્ણન કરી એમને ફાધરના નવોદિત પુસ્તક વિષે છણાવટ કરવા આમંત્ર્યા.
 
શ્રી. ધીરુભાઈએ ગાંધીજી વિષે ઘણી વાતો કરી એના પરથી લાગે કે એમણે ગાંધીજીનો વિગતવાર અભ્યાસ કરેલો છે. સમય મર્યાદા તરફ ધ્યાન દોરવા છતાં પોતે અધ્યાપક છે અને કલાક બોલવાની ટેવ છે એટલે હું તો બોલીશ અને તમારે સાંભળવું પડશે એવી હળવી મજાક પણ કરી. પણ પોતાના વાકમાધુર્યથી અને ગાંધીજી વિષેની જાણકારીથી હાજર બધાની વાહ વાહ મેળવી ગયા.  
 
અને પછી સમય આવ્યો પુસ્તકના વિમોચનનો તો યજમાન દંપતિ અને ફાધર વાલેસના હસ્તે પુસ્તકનુ વિમોચન કરવામાં આવ્યું.
 
 
 
વિમોચન કર્યા પછી ફાધર વાલેસે પોતાનુ વક્તવ્ય શરૂ કર્યું નિહાળો. દૂરથી અને સેલફોનથી વિડીયો લીધો છે.
 
ફાધરના ઉદબોધન પછી થોડા પ્રશ્ન-ઉત્તર બધા સાંજનું વાળું કરી છુટા પડ્યા. તે પહેલાં તેમનું આ પુસ્તક ત્યાં વેચાણ માટે હતું એ ખરીદી ફાધરના હસ્તાક્ષર મેળવી લીધા અને ફાધરની સાથે બેચાર પિક્ચર પણ પડાવી લીધા. આ કાર્યક્રમમાં ઘણા જાણીતા સાહિત્યકારો જેમ કે કવિશ્રી. અનિલ જોષી, શ્રી. મધુ રાય, શ્રી. પ્રીતિ સેનગુપ્તા, શ્રી. બાબુભાઈ સુથાર, ડો. નીલેશ રાણા, શ્રી. કિશોર રાવળ, શ્રી. ચંદ્રકાંત ત્રિવેદી વગેરે હાજર હતા.
નવેમ્બર ૧૮ ૨૦૧૧  ના દિવસે અમદાવાદમાં ફાધરના પુસ્તક “નાઈન નાઈટ્સ ઇન ઇ ન્ડિયા” નું વિમોચન થયેલું એનો અહેવાલ જાણીતા પત્રકાર અને બ્લોગર શ્રી. ઉર્વીશ કોઠારીના બ્લોગ પર વાંચવા અહીં ક્લિક કરો. 
અને એજ શ્રી. ઉર્વીશભાઈનો એક હળવો રમૂજી લેખ ગુજરાત સમાચારમાં પ્રકાશિત થયેલો ‘ગાંધીજી ફેસબુક પર હોત તો’ જેને અહીં ક્લિક કરી વાંચો રીડ ગુજરાતી પર.         

 

[wppa type=”slide” album=”7″ align=”center”]Any comment[/wppa]

 

બાઈબલ અને ખ્રિસ્તી ધર્મમાં પ્રેમનો સંદેશ તથા તેના હાલના સંદર્ભો – ગોઝારીઆ કોલેજની વિદ્યાર્થિનીઓ તથા હાયર સેકન્ડરીના વિદ્યાર્થીઓને ફાધર વિલિયમનું સંબોધન ઓગષ્ટ ૨૫, ૨૦૧૨

બાઈબલ અને ખ્રિસ્તી ધર્મમાં પ્રેમનો સંદેશ તથા તેના હાલના સંદર્ભો

ગોઝારીઆ કોલેજની વિદ્યાર્થિનીઓ તથા હાયર સેકન્ડરીના વિદ્યાર્થીઓને ફાધર વિલિયમનું સંબોધન

 

 

‘વિશ્વગામ’ યુવાપ્રવૃત્તિનાં પ્રણેતા સંજય-તુલા દંપતિની પ્રેરણાથી તેમના સાથીઓ દ્વારા ગાંધીનગરથી વિસનગર રોડ પર આવેલ ગોઝારીઆ કોલેજની સોએક જેટલી કોલેજિયનો તથા ગામની હાયર સેકન્ડરી સ્કૂલના પચાસ વિદ્યાર્થીઓ માટે બે દિવસની યુવાશિબિરનું આયોજન કરવામાં આવ્યું હતું. પ્રથમ દિવસે શિબિરમાં સર્વધર્મ સમભાવ વિષયે ચર્ચા-સંવાદ રાખાવામાં આવેલો જેમાં હિંદુ-ઈસ્લામ-ખ્રિસ્તી ધર્મ વિશે પ્રવચનોનું આયોજન કરવામાં આવ્યું હતું. ફાધર વિલિયમ વિશ્વગામ યુવાપ્રવૃત્તિઓના સબળ ટેકેદાર તથા નજદીકના સાથી તથા ગુજરાતમાં સઘળે સામાજિક સંવાદિતા પ્રસરે ને પ્રગટે એ હેતુસર શરૂ કરેલ ઝુંબેશ સદભાવના ફોરમની ટીમના સભ્ય છે. સંજયભાઈ તથા શિબિરના આયોજકોએ તેમને બાઈબલ અને ખ્રિસ્તી ધર્મમાં પ્રેમનો સંદેશ તથા તેના હાલના સંદર્ભો વિષયે શિબિરાર્થીઓને સંબોધન માટે આમંત્રણ આપ્યું હતું . સંબોધન બાદ શિબિરાર્થીઓએ પ્રશ્નોત્તરી દ્વારા ખિસ્તી ધર્મ તથા ખ્રિસ્તીઓ વિષે સાચી માહિતી મેળવીને એમના ક્ષતિયુક્ત ખ્યાલો ને માન્યતાઓ દૂર કરી હતી. ઈસુના ઉપદેશમાં અને એટલે ખિસ્તી ધર્મમાં માનવબંધુ-પ્રેમ એ તેની બુનિયાદ છે અને ઈશ્વરના ઘરે જવા કે પહોંચવાનો રસ્તો ડારેક્ટ એક્ષપ્રેસ વે નથી પરંતુ એ વાયા વાયા મારા પડોશીના ઘરે થઈને જતા લોકલ રોડ છે તે સત્ય ફાધર વિલિયમે વારંવાર પુનરૂચ્ચારણ કરીને શ્રોતાઓના મનમાં ઠસાવ્યું હતું. વળી ‘તમે મારા શિષ્યો (અનુયાયી) છો એમ જગત તો જ જાણશે જો તમે પરસ્પર પ્રેમ કરતા હશો’ ભગવાન ઈસુના શબ્દો ટાંકીને ખિસ્તીઓની એક માત્ર સાચી ઓળખ વિષે સમજણ આપી હતી.
ઉપસ્થિત કોલેજના આચાર્ય, પ્રધ્યાપકો તથા અન્ય ગ્રામજનોએ આજના પ્રવચનને ઘણું ઉપયોગી ને હિતકારક ગણાવ્યું હતું અને એ વિસ્તારની અન્ય શાળાઓમાં ભણતા વિધાર્થીઓ તથા યુવાજૂથોને માટે આ પ્રવચન આપવા આવે એવી અપેક્ષા વ્યક્ત કરી હતી. આજના પ્રસંગની યાદમાં ફાધર વિલિયમને કેટલાંક સારાં પુસ્તકોની ભેટ આપી આભાર વ્યક્ત કર્યો હતો.   

સેન્ટ ઝેવિયર્સ, ઉમરેઠ પૂર્વ વિદ્યાર્થી (ધો. ૧૦ ૧૯૮૯) સ્નેહ-મિલન સમારંભ જુલાઈ ૧૫, ૨૦૧૨

પોતાનું વતન છોડી ૧૯૮૫ માં જ્યારે અમેરિકાની ધરતી પર પગ મૂક્યો તો થોડા દિવસમાં અહેસાસ થયો કે કંઈ કેટલુંય પાછળ છૂટી ગયું છે. અફસોસને નેવે મૂકી નવા પડકાર અને સમસ્યાનો સ્વિકાર કરી નવું ગામ અને ઘર માંડવા કમર કસવાનું શરૂ કર્યું. દુનિયાના સૌથી સમૃધ્ધ અને શક્તિશાળી દેશની આ સમૃધ્ધીનો હિસ્સો બનવું હોય તો ખાલી પુષ્કળ પૈસા કમાવવાથી જ શક્ય નથી એની મને ખબર હતી. એટલે ભારતમાં સ્કૂલ દરમ્યાન આપણે ભણતા “મોગલોની પડતીના કારણો” તો અહીં મેં ભણવા માંડ્યું આ દેશની સમૃધ્ધીના કારણો. ખેર મૂળ મુદ્દાની વાત કરું તો આ અભ્યાસ દરમ્યાન પૂર્વ-વિદ્યાર્થી સ્નેહ મિલન (School/High School/College reunion) વિષે જાણ્યું અને એના ઉદ્દેશથી હું બહુ પ્રભાવિત થયો.
 
મારાથી પહેલી પેઢી તો સ્કૂલ કે કોલેજ પછી નોકરી કે ધંધા માટે પોતાના ગામ-શહેરમાં જ કે આસપાસના વિસ્તારમાં જ હોવાથી પોતાના સ્કૂલ-કોલેજના સહાધ્યાયીને પ્રસંગોપાત મળતા રહેતા. પણ પછી ધીરે ધીરે નોકરી કે ધંધા માટેનો વિસ્તાર વિસ્તરવા માંડ્યો અને રાજ્ય બહાર અને પરદેશની સીમા પાર કરી ગયો. સ્કૂલ/કોલેજના સહાધ્યાયીઓ કે શિક્ષકો સાથેનો સંપર્ક પણ છૂટી જાય છે. મને પણ મારા સ્કૂલ/કોલેજના સહાધ્યાયી અને શિક્ષકઓની હાલની પરિસ્થિતિ એમની પ્રગતિ જાણવાની ઈચ્છા, તાલાવેલી થઈ. તો ૧૯૯૩ માં મેં મારી હાઈસ્કૂલ સેન્ટ મેરીસ હાઈસ્કૂલ મરિયમપુરા, પેટલાદના હેડક્લાર્ક શ્રી. રમણભાઈ સી. મેકવાનનો (જે મારા સમયે પણ એજ જગ્યાએ હતા) સંપર્ક કર્યો અને મારી ઈચ્છા વ્યક્ત કરી કે ૧૯૯૭ માં મારા એસ.એસ.સી. વર્ગને ૨૫ વરસ થતા હોવાથી એક સ્નેહ-મિલન સમારંભ રાખવો. તેમને પણ આ વિચાર ગમ્યો. મારા બે સહાધ્યાયીઓનો (ફિલીપ પરમાર અને લલિતા સામયન) મારે સંપર્ક હતો તો એમને આ વાત જણાવી તો તેઓ પણ રાજી થયા. બધા સહાધ્યાયી અને શિક્ષકગણના સરનામા કે ફોન નંબર મેળવવાની જવબદારી આ ત્રણ જણે સ્વિકારી. અમારી પાસે ચાર વરસનો સમય હતો છતાં પણ અમે સફળ ના થઈ શક્યા એનું બહુ દુઃખ થયેલું અને હજુ છે.
 
આજની તારીખમાં ફોન, સેલ ફોન, ઈમેલ કે સોસિયલ નેટવર્કથી બધા એકબીજાના સંપર્કમાં રહી શકે છે અને રોજબરોજની એકબીજાની જીંદગીથી વાકેફ રહી શકે છે. છતાં પણ એકબીજાના હાથ પકડી કે છાતી સરસા ચાંપીને મળવાનો લહાવો તો અલગ જ હોય છે. તો આ જ ભાવના ઉમરેઠ, ગુજરાતથી દૂર સ્કોચ પ્લેઈન્સ, ન્યુ જર્સીમાં રહેતા અને સેન્ટ ઝેવિયર સ્કૂલ ઉમરેઠના ૧૯૮૯ ની સાલના ધોરણ ૧૦ ના ભૂપપૂર્વ વિદ્યાર્થી શ્રી. અલય બી. પટેલને થઈ આવી. તો તેમણે સ્કૂલનો સંપર્ક કરી હાલના પ્રિન્સિપાલ ફાધર ટોનીનો સંપર્ક કર્યો. અને એમની રજામંદી મેળવી એ સમયના પોતાના સહાધ્યાયી અને હાલમાં નિવૃત્ત થયેલા શિક્ષકગણનો સંપર્ક કર્યો અને બધાને પોતાના કુટુંબ સહિત હાજર રહેવા આમંત્રણ મોકલી આપ્યું. જુઓ સ્નેહ ટપકતી એ આમંતણ પત્રિકા.
 
જુલાઈની ૧૫ તારીખે ૨૨ વરસ પછી મિત્રો અને શિક્ષકોને મળવાનો આનંદ બધાએ માણ્યો. લગભગ ૯૫% હાજર રહી શક્યા હતા. આ સમયે ૧૯૮૯ માં જે પ્રિન્સિપાલ હતા તે સ્વ. સિસ્ટર જોહાનાને પણ યાદ કરી એમને શ્રધ્ધાંજલી અર્પી હતી. આ આખા કાર્યક્રમનું વિચાર-બીજ ભાઈ અલયના દિમાગમાં રોપાયું અને એને પરિપૂર્ણ કર્યું. અને બધાનો સંપર્ક કરી આમંત્રણ પત્રિકા મોકલી અને ઉદાર દિલે આ આખા કાર્યક્રમનો ખર્ચ પોતે ઉપાડી લીધો. શ્રી. અલયભાઈને ખૂબ ખૂબ અભિનંદન.
 
ઉમરેઠના યુવા પત્રકાર અને ‘આપણું ઉમરેઠ’ બ્લોગના સંચાલક મારા બ્લોગર-મિત્ર શ્રી. વિવેક દોશીએ સરદાર ગુર્જરીમાં (જુલાઈ ૧૮ ૨૦૧૨) આપેલો પોતાનો અહેવાલ.
 
શ્રી અલયભાઈએ તૈયાર કરેલ આ પ્રસંગના પિક્ચર આલ્બમને જોવા માટે અહીં ક્લિક કરો.