Tag Archives: Fr. Varghese Paul

Pope Francis’ ENCYCLICAL LETTER LAUDATO SI’ “Praise be to you, my Lord”.

Dear Friends,

 

I have just finished reading the internet copy of Pope Francis’ ENCYCLICAL LETTER LAUDATO SI’ “Praise be to you, my Lord”. At the Encycle ends with two beautiful prayers, which I have translated into Gujarati. Here below please see A PRAYER FOR OUR EARTH both in Gujarati and in English.

 

With love & regards, Fr Varghese Paul, SJ
PopeFrancisPope Francis’ ENCYCLICAL LETTER LAUDAT SI’“LAUDATO SI’, mi’ Signore” – “Praise be to you, my Lord”.
A PRAYER FOR OUR EARTH
All-powerful God, you are present in the whole universe
and in the smallest of your creatures.
You embrace with your tenderness all that exists.
Pour out upon us the power of your love,
hat we may protect life and beauty.
Fill us with peace, that we may live
as brothers and sisters, harming no one.
O God of the poor,
help us to rescue the abandoned and forgotten of this earth,
so precious in your eyes.
Bring healing to our lives,
that we may protect the world and not prey on it,
that we may sow beauty, not pollution and destruction.
Touch the hearts
of those who look only for gain
at the expense of the poor and the earth.
Teach us to discover the worth of each thing,
to be filled with awe and contemplation,
to recognize that we are profoundly united
with every creature
as we journey towards your infinite light.
We thank you for being with us each day.
Encourage us, we pray, in our struggle
for justice, love and peace.

 

Fr.VarghesePaulધરતી માટેની પ્રાર્થના 
(પોપ ફ્રાન્સિસના “સ્તુતિહો તારી, મારા પ્રભુ” પરિપત્રમાંથી)
અનુવાદક : ફાધર વર્ગીસ પૅાલ
સર્વશક્તિમાન પ્રભુ, સમગ્ર સૃષ્ટિમાં તમે હાજર છો.
અને નાનામાં નાના સર્જનમાં તમારી હાજરી છે.
તમારા કરુણામય પ્રેમમાં તમે સૌને આલિગંનમાં લો છો.
તમારા પ્રેમની શક્તિ અમારા ઉપર વરસાવો,
કે જેથી અમે જીવન અને સૌંન્દર્યને રક્ષણ કરી શકીએ
અમને તમારી શાંતિથી ભરી દો કે,
કોઈને કંઈ નુકશાન કર્યા વિના
અમે સૌ ભાઈબહેનો તરીકે જીવી શકીએ.
હે ગરીબોના ઈશ્વર પ્રભુ, આ ભૂતળ પર તરછોડાયેલા અને ભૂલાઈ ગયેલા સૌને
બચાવી લેવામાં અમને મદદ કરો.
તેઓ બધા તમારી આંખો આગળ ખૂબ કિંમતી છે.
અમારા જીવનમાં સાજાપણું લાવો કે,
અમે દુનિયાની લૂંટફાટ કરવાને બદલે એને બચાવી શકીએ.
વિનાશ અને પ્રદૂષણને બદલે અમે સૌંદર્યનું બી વાવીએ
ગરીબો અને ધરતીના ભોગે
ફક્ત પોતાના લાભ શોધતા લોકોના
હૃદયને સ્પર્શ કરો, પ્રભુ.દરેક વસ્તુનું મૂલ્ય શોધવામાં અમને શિખવાડો,
જેથી ધ્યાનચિંતન અને અહોભાવથી ઉભરાઈ જઈને
અમે એ વાત ઉંડાણથી સ્વીકારીએ કે,
તમારા અનંત પ્રકાશ તરફની અમારી મુસાફરીમાં
દરેકેદરેક સર્જન સાથે
અમે અગાધ રીતે સંકળાયેલા છીએ.
દરેક દિવસે અમારી સાથે રહેવા બદલ
અમે તમારો અભાર માનીએ છીએ.
અમારી પ્રાર્થના છે કે,
ન્યાય, પ્રેમ અને શાંતિ માટેની અમારા ઝઝૂંમવામાં
અમને પ્રોત્શાહન આપતા રહો.
From Facebook page of Fr. Varghese Paul S.J.

ફા. વર્ગિસ પૉલના વરદ હસ્તે “પવિત્ર ખ્રિસ્તયજ્ઞ” નું સફળ આયોજન

 

“પવિત્ર ખ્રિસ્તયજ્ઞ”નું સફળ આયોજન

       “ગુજરાતી કેથલિક સમાજ ઓફ યુએસએ”ના ઉપક્રમે તા. ૧૨ ઓક્ટોબર, ૨૦૧૩ના શનિવારે ગુજરાતથી પધારેલ ફા. વર્ગિસ પૉલના વરદ હસ્તે “પવિત્ર ખ્રિસ્તયજ્ઞ” અર્પણ કરવામાં આવ્યો હતો. ગુજરાતી સાહિત્યમાં ખ્યાતનામ નામ, એટલે “સવાયા ગુજરાતી” ફા. વર્ગિસ! ગુજરાતી કેથલિક પરિવારો બપોરના બે કલાકે “અવર લેડી ઓફ માઉન્ટ કાર્મેલ ચર્ચ”, વુડબ્રીજ, ન્યુ જર્સીના સ્થળે ૪૫ ગુજરાતી લોકપ્રિય પુસ્તકોના સર્જકના હસ્તે અર્પણ થનાર ‘પરમપૂજા’માં હાજરી આપવા પધાર્યાં હતાં.

 

       “આજ પ્રભુના માનમાં ગાઓ” સમૂહગીત તાલસૂરે રેલાતાં પવિત્ર ખ્રિસ્તયજ્ઞનો આરંભ થયો હતો. અમેરિકામાં ટૂંકા રોકાણ દરમ્યાન સ્વપરિચિત ઘણાં પરિવારો મધ્યે ગુજરાતીમાં પ્રભુની પૂજા કરવાની તક મળી તે માટે પ્રભુનો આભાર માનતાં ફા. વર્ગિસે સૌને મીઠો આવકાર આપ્યો હતો.

 

ધર્મસભા, વિશ્વનો પુરોહિત અને સાધ્વીગણ, વિશ્વશાંતિ અને સૌ સુખી રહે તેવી આરાધના સાથે પ્રભુને સમૂહયાચના કરવામાં  આવી હતી. પ્રથમ શાસ્ત્રપાઠ અંગ્રેજીમાં કુ. સ્ટેફની ક્રિશ્ચિયને વાંચી સંભળાવ્યા બાદ “એવું દે વરદાન” ભક્તિગાનમાં સૌ જોડાયા હતા. બીજો શાસ્ત્રપાઠ શ્રી એલેક્ષ રાઠોડે ગુજરાતીમાં વાંચી સંભળાવ્યો હતો, તે “પ્રભુનો જયજયકાર” ગાન ભક્તિભાવે  ગાઈને, પુરોહિતના મુખે આજનો શાસ્ત્રપાઠ આજનો શાસ્ત્રપાઠ સાંભળવા સૌ નમ્રભાવે પ્રભુમય બની રહ્યા હતા. આજના શાસ્ત્રપાઠ અંગે ઉપદેશાત્મક વક્તવ્ય આપતાં વિદ્વાન પુરોહિતશ્રીએ આપણાં જીવનમાં પ્રભુએ કરેલા ઉપકારો બદલ પ્રભુનો આભાર માનવા અંગે સમજ આપી હતી. પ્રભુ ઈસુએ દસ કોઢિયાઓને સાજા કર્યા હતા, તેમાંથી એક જ ઈસુનો આભાર માનવા આવ્યો હતો. બીજા નવ ક્યાં હતા? આપણે કઈ બાજુ છીએ? આપણા એક દિવસ દરમ્યાન પ્રભુ આપણને દોરે છે, આપણને સહાય કરે છે, આપણાં કામોને સફળ બનાવે છે. આ બધા માટે આપણે પ્રભુનો આભાર માનતાં શીખીએ.

 

પ્રભુને રોટી અને દ્રાસાસવ અર્પણ કરાવાની વિધિ દરમ્યાન “અર્પણ કરું શું તને” સમૂહગીતના ભાવમાં સૌ દોરવાયા હતા.  ધન્યભાવથી પરમ પવિત્ર “ખ્રિસ્તપ્રસાદ” સ્વીકારવા સમયે “ઓ ખ્રિસ્તના આત્મા” ભાવવાહી રીતે સમુઃહમાં અતિ કર્ણપ્રિય રહ્યું હતું. અંતે આશીર્વાદ મેળવીને “ઈસુજી દૂર કરો અંધારાં” સમૂહગાનથી પરમ પૂજા સંપન્ન થઈ હતી. હાર્મોનિયમ પર શ્રી. જગદીશ  ક્રિશ્ચિયનને તબલાં પર શ્રી. હિતેશ મેકવાન, ઢોલક પર શ્રી. રજની મેકવાને સંગત આપી હતી.

 

“ખ્રિસ્તયજ્ઞ” બાદ ફા. વર્ગિસનું પુષ્પ્ગુચ્છથી સન્માન કરવામાં આવ્યું હતું. ત્યાર પહેલાં સંસ્થાના પ્રમુખશ્રી શાંતિલાલે ફા. વર્ગિસનો પરિચય આપતાં તેઓ સાથેનાં જૂનાં સ્મરણો રજૂ કર્યાં હતાં. સો ઉપરાંત વર્ષોથી પ્રકાશિત માસિક “પાવન હૃદય દૂત”ના તંત્રી તરીકે “સવાયા ગુજરાતી” ફા. વર્ગિસે સામયિકને નવો ઘાટ આપવાની કુનેહને બીરદાવી હતી. સન્માનના જવાબમાં ફા. વર્ગિસે સૌને સમૂહમાં મળવાની તક અને અમેરિકામાં ગુજરાતીમાં પવિત્ર “ખ્રિસ્તયજ્ઞ” અર્પણ કરવા બદલ આભારની લાગણી દર્શાવી હતી. “સવાયા ગુજરાતી” તરીકે પોતાના વતન કેરાલામાં સ્વજનો સાથેની વાતચીતમાં ગુજરાતી શબ્દો આપોઆપ પ્રયોજાય છે, જે અંગે થતી રમૂજથી સૌ ખડખડાટ હસ્યાં હતાં. પોતાનું લોકપ્રિય “ઈસુ-મારી-તમારી નજરે” પુસ્તક દરેક પરિવારને ભેટ તરીકે આપ્યું હતું. સન્માન વિધિનું સુપેરે સંચાલન કરતાં શ્રી. કેતન ક્રિશ્ચિયને ઓક્ટોબર ૧૨, નો દિવસ સ્વ.સુશીલા પરમારના જન્મ દિન તરીકે યાદ આપાવી હતી. આ દિવસ શ્રી હિતેશ મેકવાનનો જન્મદિન હોઈ સૌએ સમૂહમાં શુભેચ્છા પાઠવી હતી. નવિનતમ રજૂઆત કરતાં શ્રી કેતનભાઈએ હાજર રહેલાંમાં જેઓનો જન્મદિન ઓક્ટોબર ૨૦૧૩ દરમ્યાન આવતો હતો, તે સૌને ફાધર વર્ગિસના વરદ હસ્તે ગુલાબનું ફૂલ આપીને શુભેચ્છા પાઠવી હતી.

 

બાદમાં ચર્ચ પાસેના હોલમાં ગરમાગરમ મેથીના ગોટા અને જલેબી અલ્પાહાર તરીકે આરોગતાં ફા. વર્ગિસ સાથે વાતચીત અને ફોટા-સેશનનો સૌએ લાભ લીધો હતો. ઓક્ટોબર ૧૧નો દિવસ શ્રી જીગર રાઠોડનો જન્મદિન હોઈ તેઓના પરિવાર તરફથી જન્મદિનની કેક કાપવાની વિધિમાં ઓક્ટોબરમાં જન્મદિન હતો તે સૌ જોડાયાં હતાં. “હેપી બર્થ ડે ટુ યુ” અને “બાર બાર દિન યે આયે”નાં સમુહ શુભેચ્છાગાનથી હોલમાં આનંદની છોળો ઉછળી રહી હતી.

 

ફા. વર્ગિસ “કેથલિક ઈન્ફર્મેશન સર્વિસ સોસાયટી”-CISS-ના મંત્રી અને ખજાનચી તરીકે સેવા આપે છે. દર વર્ષે આ સંસ્થાના હેવાલમાં વાર્ષિક નાણાંકીય હિસાબ પણ પ્રસિધ્ધ કરવામાં આવે છે. વ્યક્તિગત દાનના ફા. વર્ગિસના અસ્વીકારથી સ્વૈચ્છિક રીતે CISSને સહાય કરવાની હિમાયતથી કેટલાંક પરિવારોએ CISSને ચેકથી દાન આપવાની ઉદારતા દાખવી હતી. સમગ્ર પ્રસંગ ખુશી-પ્રસન્નતામાં સંપન્ન થયો હતો.

 

–માહિતી સૌજન્ય: જોસેફ પરમાર, ફૉટા: કેતન ક્રિશ્ચિયન,
            વિડિયોગ્રાફી: ફ્રાન્સિસ મેકવાન   

 

ખ્રિસ્તયજ્ઞ દરમ્યાન પાડેલા પિક્ચર જોવા માટે અહીં ક્લિક કરો.

 

 

ખ્રિસ્તયજ્ઞ પછી સ્નેહમિલન સમયના પિક્ચર જોવા માટે અહીં ક્લિક કરો.